Tariki 22/9/2009 nibwo abakinnyi b'Amavubi U-20 hamwe n'ababaherekeje baza kwerekeza muri Lebanon ahazabera Jeux de la Francophonie. Iyo mikino izatangira tariki 26/9 hanyuma irangire 6/10/2009 ikazabera Beirut mu murwa mukuru.

Umutoza wa U-20, Tomislav Obradović, akaba yungirijwe na Sosthène Habimana ndetse na Claude Maniraguha umutoza w'abazamu. Abandi bajyanye na U-20 ni Félix Nzeyimana usanzwe mu marushanwa ya U-20 ndetse n'umuganga wabo ariwe Nuhu Assuman.

Amavubi U-20 bari kumwe n'abakinnyi 20 batoranijwe n'umutoza Tomislav Obradović nyuma y'umwiherero wabo wamaze igihe cy'ibyumweru bibiri. Abakinnyi bahamagariwe umwiherero bari 24 kandi imyitozo ikaba yarakorwaga buri munsi inshuro ebyiri.

Dore abakinnyi 20 batoranijwe:

Juma Nsanganira, Emery Mvuyekure, Jean Claude Nshimiyimana, Egide Twizeyimana, Anwar Kibaya, Eric Habimana, Christian Bonfils Twahirwa, Aman Uwiringiyimana, Ghad Mwizerwa, Yussuf Ndayishimiye, Abdul Karim Gashugi, Michael Hitimana, Jamal Mwiseneza, Erneste Kwizera, Herman Ngoma, Eric Serugaba, Emmanuel Sebanani, Tumaine Ntamuhanga, Jean Claude Iranzi, Abuba Sibomana.

“U Rwanda rurifuza kwitwara neza muri iyi mikino ya Jeux de la Francophonie n'ubwo itsinda turimo usanga ritoroshye. Turi kumwe n'ibihugu bikomeye nka Misri hamwe na Senegal.

“N'ubwo bimeze gutyo ariko ndumva nta kibazo gihari kandi tukaba tuzitwara neza kuko dufite abakinnyi bakiri bato ndetse banafite n'ubumenyi mu mupira w'amaguru,” biravugwa n'umutoza Tomislav Obradović.

Amavubi U-20 barava mu Rwanda ku isaha ya 16H00 berekeza mu gihugu cya Lebanon. Mbere y'uko bagera yo, barabanza bace Addis Ababa muri Ethiopia mu kugaruka naho bikaba bizagenda gutyo.

U Rwanda ruzahura na Mali ku munsi wa mbere w’ibirori. Umukino uzatangira 15H00 (isaha ya Beirut) ubere kuri Stade Rafiq Hariri. Isaha ya Beirut ijyana n’iya Kigali City keretse gusa mu gihe cy’impeshyi ubwo badusigaho imwe.

Nanone u Rwanda ruzongera gukina tariki 28/9 ubwo ruzahurira na Senegal kuri Stade Rafiq Hariri, 15H00. Tariki 30/9 ruzahurira na Egypt kuri Stade Municipal de Beyrouth nanone 15H00.

Imikino ya 1/2 izakinwa tariki 3/10 naho guhatanira umwanya wa 3 bibe tariki 5/10/2009. Umukino wa nyuma wo ukaba uzaba tariki 6/10/2009—ari nawo munsi wo guhumuza ibirori.

Ibihugu bizitabira Jeux de la Francophonie iyi nshuro ni ibyo bikurikira:

Arménie, Bénin, Bulgarie, Burkina Faso, Burundi, Cameroun, Canada, Canada, Nouveau-Brunswick, Canada Québec, Côte d'Ivoire, Chypre, Communauté française de Belgique, Congo, Congo RD (Ancien Zaïre), Djibouti, Egypte, Ex-République yougoslave de Macédoine, France, Gabon, Grèce, Guinée équatoriale, Guinée Bissau, Haïti, Liban, Luxembourg, Mali, Maroc, Maurice, Monaco, Mozambique, Niger, Roumanie, Rwanda, Sénégal, Seychelles, Suisse, Togo, Tunisie na Vietnam.

Bookmark with: