UPDATE 27/9/2009 U Rwanda rwaraye rubonye intsinzi ya mbere muri Jeux de la Francophonie ziri kubera mu gihugu cya Lebanon igihe rwatsindaga Canada ibitego 3-2. Ruzongera gukina tariki 28/9/2009.

Itsinda A
Canada 2-3 Rwanda

Itsinda B
Morocco 1-0 Senegal

Itsinda C
Congo Brazza 2-1 Lebanon

Jamal Mwiseneza yatsinze ibitego bibiri hanyuma Titi Tumaine kimwe. Amavubi U-20 bazongera gukina kuwa mbere (Rwanda v. Cameroon) tariki 28/9/2009 saa 18H00 ku gihe cya Beirut.

--

Byabaye ngombwa ko habaho tombola nshya nyuma y'uko amakipe amwe n'amwe aviriye mu irushanwa rya Jeux de la Francophonie mu gihugu cya Lebanon. Mu itsinda u Rwanda rurimo, havuyemo Misri na Mali.

Ubu amakipe akaba yimuriwe mu matsinda mashya. Itsinda A rigizwe n'u Rwanda, Cameroon hamwe na Canada. Itsinda B ryo rigizwe na France, Morocco, na Senegal. N'aho itsinda C rikaba rigizwe na Ivory Coast, Congo, hamwe na Lebanon.

Ikipe ya mbere muri buri tsinda hamwe n'ikipe ya kabiri yitwaye neza (second best loser) nizo zizagera muri 1/2 cy'irangiza.

Dore gahunda nshya:

26/9/2009 Canada v. Rwanda (21H00) kuri Stade de Beyrouth.
28/9/2009 Rwanda v. Cameroon (18H00) kuri Stade de Beyrouth.

Amavubi U20 bacumbikiwe kuri Universite de Beyrouth hakaba hari urugendo rutwara iminota 45 ugana aho bazakinira. Imikino yose yanditswe haruguru izaba ku isaha ya Beirut—bakaba badusigaho isaha imwe hano mu Rwanda.

Burkina Faso yo yavanywe mu marushanwa kuko yategerejwe mu nama ikabura. Yo yavugaga ko izahagera kuri iki cyumweru mu masaha ya nimugoroba ariko abashinzwe ariya marushanwa bahitamo kuyivanamo kubera gukerererwa bikabije.

Iyo akaba ariyo mpamvu yatumye habaho amatsinda 3 agizwe n'amakipe atatu atatu. Gahunda y'uko ibindi bihugu bizahura murayigezwaho vuba.

---

UPDATE: Pre-Season Tournament mu Rwanda
Imikino itegura shampiona yakomeje umunsi wayo wa 2 tariki 25/9/2009. Dore uko umunsi wa 2 warangiye:

Itsinda A: APR FC 0-0 Musanze
Itsinda B: Atraco FC 0-1 Etincelles FC
Itsinda C: Rayon Sports FC 0-1 Amagaju FC
Itsinda D: AS Kigali 0-0 Kiyovu Sports FC

Bookmark with: