Ishyirahamwe ry’umupira w’amaguru mu Rwanda (FERWAFA) riramenyesha amakipe y’abahungu ari gukina irushanwa rya FERWAFA ry’abatarengeje imyaka 17 y’umwaka wa 2022 ibikurikira bigamije kunoza imigendekere myiza y’irushanwa rizakomeza ku wa 16/04/2022 ku munsi wa kabiri w’imikino yaryo:

1. Ingengabihe y’irushanwa yuzuye irasoka ku wa gatanu ku itariki ya 08/04/2022. Iyi ngengabihe iraza yuzuza iyasotse kuwa 01/04/2022 yagaragazaga amatsinda amwe namwe yatangiye gukina ku munsi wa mbere w’imikino yo ku wa 02/04/2022.

2. Guhera ku munsi w’imikino wa kabiri wo ku wa 16/04/2022 icyangombwa kiranga umukinnyi cyizerekanwa mbere y’umukino kugira ngo kigaragaze imyaka ye, ni “ATTESTATION D’IDENTITÉ COMPLETE” iriho n’ifoto ye.

3. Ikipe ikeneye gutanga ikirego ikoresha uburyo bwanditse “email” ikakigeza ku Mukorerabushake wo mu Karere ikiniramo uri kudufasha mu ishyirwamubikorwa ry’irushanwa mu gihe kitarenze amasaha 24 umukino urangiye. Umukorerabushake niwe ugeza ibirego yakiriye mu ishami rya FERWAFA rishinzwe tekinike n’iterambere naryo rikabisubiza mu masaha 48 nyuma yo kugisha inama Komisiyo ya FERWAFA ishinzwe tekinike n’iterambere.

4. Amakipe azakomeza gukina guhera ku rwego rw’Intara n’Umujyi wa Kigali azagenerwa inkunga y’ibikenerwa (ingendo n’amazi y’abakinnyi) kugira ngo abashe kwitabira imikino yose.

Nimero za telephone na “emails” z’ Abakorerabushake bari gufatanya na FERWAFA mu gushyira mu bikorwa irushanwa bakorera mu Turere twose tugize Igihugu mwazisanga hano: http://www.ferwafa.rw/IMG/pdf/itangazo_rigenewe_amakipe_ari_gukina_ferwafa_u17_2022_facilitators.pdf

Murakoze.